باسم يوسف يرد على منتقديه لعدم نعيه رحيل زويل
تاريخ النشر :04/08/2016 11:35 AM
أضف الصفحه إلى

قرر باسم يوسف الرد على كل من انتقده خلال الساعات الأخيره، بسبب عدم نشره لأي كلمات ينعي بها رحيل العالم المصري أحمد زويل.

وقرر باسم يوسف أن يرد على من وجهوا له الانتقادات عبر حساباته على مواقع التواصل الاجتماعي، لكي يفهموا وجهة نظره.

وكتب باسم يوسف: "أنا مش نشرة اخبار ، مش وكالة أنباء و مش صفحة وفيات، انا مش مطالب أني أعلق على أي أحداث انت شايف المفروض أني أعلق عليها، من أول نزاع في بلد معين لانقلاب في بلد تاني لوفاة حد في بلد تالتة، لو حصل وعلقت فده لأني بامارس نفس الحرية اللي أنت بتديها لنفسك أنك تتكلم على إيه و ما تتكلمش على ايه". 

"العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب وما اتكلمتش على فلان أو علان أو ما جبتش سيرة ترتان ليه، نفس الناس اللي تقولك ما علقتش على أحداث معينة ليه ولو علقت يقولك طب ما اتكلمتش على الحدث التاني ليه". 

"العالم مش مستني (ستاتوس الفيس بوك) عندي او عندك عشان يتصرف على حسب حنكتب ايه، احنا كلنا أتفه من كده، و الملائكة مش واقفة على حساب (تويتر) تشوف مين اللي اترحم على مين و مين لا، وأبواب السما أو الجحيم مش مستينة عدد (اللايكات والشير) عشان تقرر تفتح لمين و تقفلها في وش مين، الحياة والموت والترحم كانوا موجودين قبل الفيس بوك وتويتر والانترنت شخصيا، الحياة الأخرى مش واقفة على التويتة بتاعتك".


أضف تعليقك على الموضوع
تواصل معنا عبر الفيسبوك
نشرة الرجل المجانية
رجاء أدخال الايميل الشخصى لمتابعه النشرة المجانية
تواصل معنا عبر تويتر